http://dadachan-34e.blogspot.com/

2010年11月3日星期三

「百果園咪神」陳靜(DaDa)的月曆

「百果園咪神」陳靜(DaDa)的月曆

「百果園咪神」陳靜(DaDa)的月曆打正旗號賣大包,以52個百變造型陪粉絲度過明年的52個星期,多個性感造型相繼曝光,走勢凌厲,「有聲有畫」,在o靚模界先聲奪人。

DaDa趁今日萬聖節,還向粉絲送大禮,首次穿自選內衣示人的她公開三款超激的月曆造型,雖然伊人拍攝初期表現怕醜,不時左遮右掩,但後來她成功克服心理關口,愈影愈順,還豁出去狂擺超誘惑甫士。
冶艷甫士典床典蓆

戴上Bob頭假髮的DaDa亦煥然一新,穿上全黑喱士內衣谷出「警鐘胸」,瞓身擺出S形甫士,冶艷非常,有別於一貫的純情 look令人眼前一亮。而另一款粉紅色內衣照中,她趴在床上趷籮,輕咬喱士手襪,朱唇微張兼典床典蓆,同樣令人血脈沸騰。為滿足不同粉絲,DaDa在另一款月曆中穿上白色小背心騎單車,大賣青春性感。

DaDa早前到墾丁取景時,一連六天狂黐乳貼,因而被「千層乳貼」嚇怕,她說:「我都數唔到帶咗幾多盒乳貼過台灣,日日都黐三、四層乳貼,好似『千層乳貼』咁,第一日搣乳貼就整損咗皮膚,紅晒好慘,原來要用濕棉花整濕乳貼先好搣。當時要忍痛照拍,但見到靚相都覺得抵番。(點救番巨咪?)搽多啲Cream,等佢快啲好。(幫巨咪買保險?)好似有好多條款,唔係咁易買到,如果下次再狂黐乳貼,會要認真考慮買!」DaDa表示月曆照已是其性感底線,她還拍攝以床單半掩股的照片,不過是否刊出該輯露股照仍屬爭議階段,她說:「我覺得臀部唔夠靚,腰以下都唔係咁敢騷。(自覺最性感甫士?)咬手指、嘴唇微張同做出無知嘅眼神,我今次都有做晒呀。」

日做夜做終熬出病

雖然DaDa的應節艷鬼月曆照未曝光,正在上海拍新片的她孖實同門的「翻版大S」李莉琳(Liz)扮嘩鬼,陪粉絲歡度萬聖節。 DaDa還分享其撞鬼經驗,她說:「我極之細膽,同朋友去鬼屋都一定攬實佢哋,有次玩完出番嚟之後我講番見到啲乜,先發現我見到啲佢哋見唔到嘅嘢,真係嚇到尖叫。」忙於在上海及香港拍兩套新戲的她熬出病來,真令粉絲心痛,她說:「我隻眼有少少發炎,靠意志力捱到底,依家日日食維他命C增強抵抗力囉!」

2010年11月1日星期一

陳靜趁「哈囉喂」開P

陳靜趁「哈囉喂」開P

有「百果園咪神」之稱的陳靜(DaDa)與「E Cup教主」鄧伊玲(阿旦)分屬同門,可是因發展事業而各有各忙,兩女日前突然興之所至,約埋「翻版大S」李莉琳(Liz)、梁筠兒(Bambi)、梁郁霖(Lilian)、關莉莎(Asa)及蔡瑩瑩(Ivy)趁萬聖節開P,玩個不亦樂乎!

談到與Liz及Bambi到上海試鏡,DaDa大呼興奮,因為可以寓工作於娛樂:「每次到上海都可以探屋企人,又可以食地道嘢,超開心!」而阿旦亦急起直追,鎖定年底推出性感寫真,實行勁谷人氣,問到是否滿意身材?她說:「都可以咁講!」

Related Posts with Thumbnails