不堪性騷擾考慮報警 百果園 E神:我唔隨便

不堪性騷擾考慮報警 百果園 E神:我唔隨便





不堪性騷擾考慮報警 百果園 E神:我唔隨便

憑 33E驕人上圍成為電車男新寵的百果園 E神陳靜( DaDa),繼遭鹹網盜用陳年舊照賣徵友廣告後,最近又爆出被前男友偷拍床照,以及遭人電話及 facebook性騷擾, DaDa堅稱只得床照而沒有情慾照,行性感不等於隨便及開放。百果園 E神 DaDa堅稱曾拍床照但有穿睡衣,並非情慾照。

「總之係變態嘢」
DaDa日前聲稱被前男友偷拍床照,最近更備受變態電話性騷擾,昨日穿上低胸小背心大晒事業線的 DaDa,對此事說:「我呢排俾人喺 facebook同電話騷擾,但內容唔想再講太多,總之係變態嘢,我聽完之後都唔開心。」問她為何還以性感形象示人?她竟然說:「我已經密實咗,本來大會預備咗一套好性感嘅衫畀我,但同公司商量之後,家我會盡量密實啲。」

提到被前男友偷拍床照一事, DaDa堅稱只被拍下穿睡衣的相,不過很快已經被她發現及刪除,問會否在不知情的情況下被人拍下情慾照?她說:「唔會,佢冇咁叻,嗰陣佢部相機都係舊款,但因為呢兩件事好巧合,所以我有懷疑係佢做,我好希望佢唔好再打嚟,如果有一日我覺得人身受到威脅,我會去報警。」

性感可以高品格
至於有否後悔入行, DaDa說:「行性感唔等於我係一個隨便同開放嘅人,性感都可以高品格,我今年都 21歲,有好多嘢可以自己處理到,我好享受家嘅工作。」